الحب والمال

فى بداية كلامى
لا استطيع ان اصف مدى سعادتى بهذا النقاش الهادف والجميل
كما اود ان ارحب بالعضو الجديد معنا فى هذا الموضوع (توتاااا )
وعلى فكرة يا مروة انا لم افهم ما كتبتى خطأ مطلقا لانى اقرأه بتروى وحرص لان هذا الموضوع شائك ويهم الكثير ولو انكى قرأتى كل ما انا كتبته فى هذا الموضوع والرأى الذى كتبتيه انتى فى النهاية ستجدى انه لا يوجد اختلاف بيننا فى الرأى على الاطلاق بل هناك تقارب شديد فى وجهات النظر
وردا على التداخل الجميل لتوتااا , نعم كلامك صحيح ونحن من البداية متفقين ان هناك تكافؤ بين الطرفين فى كافة الجوانب الا الجانب المادى يعنى اقل شوية من الزوجة ولكنه بحد ادنى يضمن الحياة الكريمة لها
وفى نهاية مناقشتنا اود ان اقول اننا نبحث عن كيفية ان يستمر هذا الحب وتستمر سعادتنا معه لذا فلابد ان نبحث عن كل الطرق المشروعة التى تضمن لنا استمرارية استمرارية الحب ويجب ان نضحى ببعض الاشياء وخصوصا المادية حتى يستمر وينمو هذا الحب طالما انه مخلص ومتبادل من الطرفين

والى المزيد من المواضيع والمناقشات
اخوكم
محمد

يمكن يادكتور محمد بس انا فهمت من كلامك اني انا بقول ان المال اهم من الحب وداا مش راي وانا معاك ان لازم في الحب في تضحيه وحتي ولو بجزء من المال بس مش هيكون كل المال لانه من الضروري وجوده وعلشان يقدر يوفرلها حياه كريمه لازم وجود المعامله الحسنه والحب والمال ويارب يوفق الجميع ويسعد كل المحبين ويكملهم علي خير ومرسيه لرايك معانا

اولا اهلا بيكى يا توتا نورتى التوبيك برائيك يااجمييل

ثانيا انا سعييده جدااا يا جماعه اننا فى النهاية اتفقنا على شئ واحد وهو ان المال مهم فقط لخلق حياة كريمة فقط و ان ممكن جداا اننا نضحى عشان حبنا يعيش
وان اهم شئ عشان الحياة تستمر يكون موجود حب كتييير و طموح كتيير و نسبه من المال اللى تقيم حياة كريمة

تحيااااتى للجمييع على هذا النقاش الجمييل البناء فعلا

مرسيه اوى على الترحيب الحلو ده منكم ياجماعه وكويس اوى انحنا اتفقنا على انه لازم بيقه فى اتفاق اوتكافؤ من النحيه الماديه سواء لزوجه او لزوج ولازم نفتكر ان الماده شىء اساسى وحقيقى فى حياتنا وكمان منقدرش نستغنى ولا حتى نضحى بيه او بجزء منه واكيد احنا مش عيشين فى الزمن الجميل صعب اوى فى الزمن ده نقدر نستغنى عن الماده او المستوى اللى احنا عشنا او تربينا فيه ممكن نعيش فى مستوى اعلى واخرنا نعيش فى المستوى بتاعنا لكن مش اقل صدقونى لو ده حصل حنتعب ومشحنكمل وحبيقه مشروع فاشل ياجماعه الفلوس شىء مهم فى الحياه ومتقلوش عليا انى انسانه ماديه بس واقعيه والحب من غير فلوس يبقه حلم منقدرش ننفذ وهويامه جوزات او حب فشل بسبب الفلوس الفلوس عامل مهم لايمكن الاستعناء عنه او الاستهانه بيه ومرسيه مره تانيه على ترحيب والمشاركه الجميله دى والموضوع الشائك ده

للاسف الشديد ياتوتاا انا اتفجأت جدا باللى كتبتيه فى ردك الاخير
وده مخالف تماما للى كتبتيه فى الرد الذى يسبق ردك هذا تماما
اذا كان الحد الادنى من المستوى المادى الذى يمكن للبنت ان ترضى به هو المستوى التى كانت تعيش به مع والدها فاين التضحية اذن بل على العكس تماما لا يوجد اى نوع من التضحية فى مقابل الحب بل اصبحت التضحية بالحب فى مقابل المال والحياة المادية المطلوبة فى ظل كلامك هذا
وكمان لاحظت ياتوتاا انك مش واخدة حل وسط يعنى قلتى ان مش ينفع الحب بدون مال وهذا كلام سليم لا يختلف فيه احد فدور المال مهم جدا فى بناء الاسرة واستمرارها ولكن انا بشوف ان انتى بتقولى اما ان تعيش البنت مع زوجها فى المستوى المادى الذى كانت تعيش فيه مع والدها وهذا كحد ادنى او ان الحب بيموت وبيحدث الفراق علشان مفيش فلوس خالص طيب ما رايك فى الحل الوسط الذى كان كل كلامنا عليه من البداية وهو توفير الحياة الكريمة على الاقل والتى يمكن ان ينمو فيها الحب وتتكون الاسرة الجديدة ومع الوقت والطموح والكفاح بيرتفع المستوى المادى وهذا كله بصرف النظر عن المستوى المادى التى كانت تعيش فيه البنت فى بيت والدها مادام زوجها سيضمن لها الحياة الكريمة التى تحافظ عليها وعلى بيتها الجديد
وبصراحة يا جماعة كل اللى انا قلته ده رايى الشخصى ومبدأى الذى اسير به فى الحياة واطبقه مع التى انوى الارتباط بها ان وافقت وكان مستواها المادى اعلى منى وايضا اطبقه مع اختى لو تقدم لها شاب اقل منا ماديا ولكنه انسان مكافح وجاد وهيحافظ على اختى فسأوافق على الفور
وهذا كله مع احترامى للاراء الاخرى فلكل انسان فلسفته فى الحياة واسلوبه الذى يرضى ان يعيش به فى حياته
وخالص شكرى وتقديرى لكل من ساهم بالرد والمشاركة فى هذا الموضوع الذى اصبح الان هو العقبة الاولى امام الشباب المصرى حتى يتزوج ويجنبه الله شر اى طريق يؤدى به الى معصيته وهلاكه فى الدنيا والاخرة
وفعلا ياجماعة لم يعد الحال فى مصر مثلما كان عليه فى الماضى فعلا الشباب بيمر بأزمة حقيقية والمشاكل اللى بيواجها اصبحت كثيرة للغاية فلابد من اخذ ذلك فى الاعتبار

محمد

اولا مساء الخير عليكم
بصراحه انا اتفجات بكلامكم ده انا كان قصدى انحنا اتفقنا على ان المال مهم وضروى اما انا مغيرتش كلامى فى المره التانيه بالعكس انا اكدت كلامى وبدليل انا قولت فى كلامى المره الاوله ان صعب التضحيه فى الوقت اللى احنا فيه ده وقولت كمان لازم نسال نفسنا فى مرحله الاعجاب سؤال مهم وهو فى تكافؤ ولا لاء ورجعت اكدت بواقعيه ان منقدرش نضحى او نستغنى عن المستواى المالى الحالى بمستوى اقل وده حال كثير من اصدقائى والسؤال اللى محيركم انا ليه بقول مينفعش نضحى او نردا بمستوى اقل والرد فى منتهى البساطه احنا مش فى الزمن الجميل احنا فى وقت الماده هيا اللى بتحكمه وايقاع الحياه اختلف اسرع ومتطلباته اكثر من اى زمن فات ومساله يوفر الحياه الكريمه فا دى بتختلف من شخص للاخر يعنى الحياه الكريمه فى نظرى هيا المستوى اللى انا عايشه فيه مش اقل ده برودا مسأله وجهه نظر يعنى الحياه الكريمه بتختلف من شخص للاخر اما مسأله الطموح والكفاح ده بردوا ضرورى ومطلوب لتحسين اى مستوى معيشى وعشان كده انا قولت لازم نحاول نجاوب على السؤال اللى انا قولت عشان بيقه فى واقعيه مش خيال وبصراحه حكايه نضحى فى الزمن ده بيقه كلام شعارات وميأكلش عيش ياميوى انا شبهت الموضوع بانه مشروع فاشل فده للانه بكلمكم ده حيبقه مش قصه حب ناجحه لاء حيبقه مشروع فاشل عشان توقعات نجاحه ضئيله وده عن تجارب معارف معرفوش يحققوا اللى نتوا بتقولوا عليه عموا انا سعيده ب المناقشه معاكم وحستنى رايكم

يعني ملاحظة يا جماعه
هو على الرغم من الموضوع لازم نطلع بنتيجه
لكن الاراء يامي ممكن تختلف وممكن تتفق
انا مازلت اصر على رايي
ودي وجهة نظري
ان الحب من دون مال اكيد حياثر على الحياة السعيده الزوجيه او الحياة الطبيعيه
لكن الموضوع ياريت منكتبش فيه كلام كتير علشان القارئ يتفهم الفكرة بسرعه
انا لسه حرجع اقرا كلامكم

على اى حال يا جماعة كل واحد بيعبر عما بداخله وكل بئر ينضح بما فيه
ويكفينى ان اعبر عن نفسى
فمنا من يجد السعادة فى المال والاخر يجدها فى الحب وجزء من المال وهذا بالمنطق هو الصحيح
(وكل نفس بما كسبت رهينة)
واللى انتى بتقوليه ده ياتوتاا مشروع اقتصادى بحت اكثر منه علاقة حب وتكوين اسرة جديدة وده سبب فشل معارفك فى الاستمرار فى مشاريعهم اقصد فى زواجهم

سلام

مساء الخير عليكم كلكم شكل الموضوع ليه اراء كتير جدااا وكل واحد فينا مقتنع برايه بس انا احب ارد عليك ياااخ محمد مش معني ان الحب مرتبط المال يبقه مشروع اقتصادي بحت هما مش هيتاجروا ولا هيكسبوا منه بس كل واحد ومستواه وعيشته اللي عايش فيها ومقدرت كل شخص علي اي عيشه ومفيش راجل يقبل علي نفسه انه يرتبط بوحده اعلي منه ياااهيعشها في مستواه هو ويتعبها معاه او هي بقه تاخد وترفعه معاها وتصرف عليه بالمره بشكل داا هو هيقدر يعيش معاه ويكون مبسوط وميكنش تعبها بس قليل من الرجاله اللي تقبل علي نفسها كده وفي راجل يشتغل ويكسب ويتقدملها لما يكون في نفس مستواها وهو جدير بيها ودا الشخص اللي يستحق الاحترام فعلان

والله ياجماعة انا قلت رايى بصراحة فى الموضوع ده وكفاية قوى التقارب فى المستوى المادى على الاقل طالما ان هناك تكافؤ فى باقى النواحى بين الطرفين
وحلوة قوى كلمة ااخ محمد دى يامروة ههههههه

عادي بقه ياااخ وياادكتور محمد هو مش احنا كلنا اخوت وله انت ليك راي تااني

ده راىء كل واحد فينا وانا كلامى واضح بخصوص كلمه مشروع واذا كانت كلمت مشروع دى مضيقاكم بلاش منها واقول قصه حب فاشله او زيجه فاشله وحرجع واكد كلامى بخصوص ان لازم يكون فى تكافؤ مادى بين الشخصين وده ضروره من ضروريات الحياه والا الفشل حيكون فى انتظارهم وبقصد بكلمه تكافؤ ان ميكونش الزوج اقل من المستوى المادى لزوجته ياله تصبحوا على خير