الحب والمال

هو صحيح الحب مرتبط بالمال ؟

لا طبعااا عمر ما الحب يرتبط بالمال

طيب لو في واحد فقير ومش معاه فلوس
هيتجوز ازاي وهيتقدم لبنت دي ازاي وهيطلب اديها ازاي من غير شقه ولامهر وشبكه ويسلام لو البنت دي مستواها احسن منه هيعملوا ايه

لو هى بتحبه و هو فعلا يستاهل ومستواه الثقافى متساوى معاها يبقى تستناه وتقف جمبه لحد ما يقدر يتقدملها

وهي ايه اللي يضملها انه فعلان يستاهل الحب داا مش ممكن بعد متستناه ويحسن نفسه ويبقه زيها يبعها ويسيبها وممكن انه ميقدرش يبقه زيها لان ظروفه مش تسمح

انا راي ياميوي ان الحب مرتبط بالمال ولازم يبقه في تقارب في المستوه الاجتماعي والتعليمي والمادي لان الحب لوحده مش كفايه

اولا هى لو استنت وحصل كداا يبقى يبقى هى اغطئت فى الاختيار من البداية وانا رائى انها تستنى لو هى فعلا واثقه انه يستاهل
ثانيا انا معاكى ان التقارب فى المستوى بيساعد لكن مجرد مساااعده
لكن التقارب الاهم اللى لازم يكون موجود التقارب الثقافى

مين قال ان التقارب الثقافي اهم لا طبعا في ناس كتيره متجوزين وهو مش مكمل دراسته او هي مش مكلمه دراسته الثقافه دي للعلم هي مهمه بس مش بدرجه كبيره زي تقارب الاجتماعي والمادي وفيه الدين اللي بيجمع جز كبير من الثقافه اللي انتي بتتكلمي عنها

سمع هوووووووووووووس
انا جيت
ايه الموضوع الخفيف والجامد ده
بصوا بقه
انا شايف انه الحب اهم حاجة قبل فلوس والكلام ده
لكن
الحب من دون فلوس ميبقاش حب
للاسف
بصوا
في مصر
مفيش حب اليومين دول
نتيجه لما يلاقوه الشعب من شغل في بلدهم وان اول ما يتخرجوا يلاقوا الشغل ولما يخلص الجيش لازم يسافر علشان يكون نفسه
لاسف العنوسه زاده في السنوات الاخيرة بمعدلات ضخمه وليست بمعدلات فقط
مفيش جواز
انتوا بضوروا على فلوس ومش بفلوس
رغم كل اللي قلته
فالحب من دون فلوس ميبقاش حب
اي حد يتقدملك يا فتاة
اكيد اول سوال حتساليه لباباكي هو
العريس شغال ايه
لو دكتور الله انا بحبه وبموت في ديابه ومش قدرة ابعد عنه
لو مهندس هو طيب وكويس ويستاهل كل خير
اما لو موظف خريج تجارة زيي حتقول ده ابن ... وانا مش طايقاه
لو دققتوا كويس
على حسب شغل او وظيفه العريس نشوف نسبه الحب
طبعا دي حاجة من دون كلام وفصال ان الحب من دون فلوس ميبقاش حب
لكن ممكن واحد ميكنش عنده فلوس قوي بس يعيش زوجته عيشه ادم لحوا
ربنا يكتبلبنا الخير
الموضوع مهم ومش حيخلص في يوم وليله

انا معاك ان في ناس بتفكر في الفلوس قبل اي شي لكن في ناس بدور علي حياه كامله اخلاق دين مبادي ثقافه ونفس المستوي الاجتماعي والمادي الحجات دي اللي هتكون حياه صح مش لمجرد معاه فلوس وسلام وطبعا الكمال لله وحده بس علشان نبني حياه صح لازم نقارب الافكار دي لبعضها

صح كلامك
اي حد حيقدر يقول الكلام اللي حدرتك بتقوليه
انه مش اهم حاجة الفلوس
انا عن نفسي بعترف قوي ان لازم الاتنين ياخدوا بعض على حب لان لا فلوس الدنيا حتنفع اختي مثلا لما تيجي كمان يومين بعد الجواز وتقلي انا عايزة اطلق
بصي
الموضوع مش بالساهل الكلام عنه
يعني مثلا انت مثال
لو حدرتك جالك حد ووسيم وزي القمر وطول بعرض وبتحبيه
لكن
معندهوش شقه مثلا
او مثلا بيقول لاهلك اني اجيب غرفه واحده لاني مقدرش اجيب اكتر من كده
ايه حيكون رد اهلك
بس جاوبيني بصراحه
اكيد مليون في الميه
حيقلوله لما تجيب شقه تعالى اتقدم
طبعا احنا في زمنا حاليا مفيش حد بيجيب شقه بالساهل ولو فكر انه يجيب يبقى بيجيب ايجار قديم
الجواز في اليومين دول اصبح نادر
وربنا انا ما بحطمكمش
لكن الفلوس عند اي اهل هم اهم حاجة
دلوقتي مفيش اهل بيعترفوا بالحب
بل بيعتبروه لعب عيال
ومش كلام صح
عليه العوض ومنه العوض
يعني اباهتنا ما اخدوش امهاتنا على حب
اتحدا
امال بيعملوا فينا كده ليه
ليه لما تتقدمي لواحده يقلك اول سوال بتشتغل ايه
ليه ميقلش انت حاتصون بنتي وله لا
اهم حاجة ان العريس يصوم بنتك ويحفظها
وله كلامي خطا
حد فاهم حاجة من اللي قلته
انا حاسس اني مش فاهم حاجة من اللي كتبته

دا سوال طبيعي ان الاب يسال انت بتشتغل ايه امال انت هتعيش بنته منين مش لازم يكون ليك شغل وحياه مستقره علشان تتجوز وله هتتجوز وربنا يسهل في الباقي مهو طبيعي انك تخلص دراستك وتشتغل وتكون ليك حياه مستقله علشان تقدر تتجوز وانت لو حد جه لاختك هتعمل كده مع الحجات دي هتسال عن اخلاقه وعن دينه وحياته كلها لان في اسره هتتبني علي الاساس ممكن حوار الشقه وكل حاجه تتزبط لكن شغلك مهم لان دا مصدر رزقك واللي هتعيش نه انت ومراتك ولادك

السلام عليكم ورحمة الله
لقد جذبنى هذا الحوار جدا بخصوص ذلك الموضوع الازلى واخترته ليكون اول مشاركة لى بالمنتدى
اخوانى كيف يبدأ الحب والزواج معنا؟ متى نفكر فى الارتباط الزواج؟؟
الاجابة باختصار ان كل منا يبحث عن الطرف الاخر الذى يكمله ويشبع عواطفه ويشعر بجواره بالاطمئنان والسكينة وسرعة واحتمال ان نلتقى بهذا الفرد راجع للقدر وتدابيره فمرة واحدة نجده امامنا ونشعر انه هو ذاك الانسان الذى ابحث عنه هو نصفى الاخر او مايكملنى واجد عنده اشباع مشاعرى بل اجد عنده حياتى كلها ومن هنا نبدأ فى التحرى عنه والتقرب منه لنتأكد ان كان يبادلنا المشاعر أم لا؟
بمجرد ان اصارحه بحبى ويصارحنى بحبه بنكون قد تعاهدنا على الارتباط والى الان لم نحتاج الى المال فى عهدنا ولكن حتى نستطيع ان يوفى كلانا بالعهد فلابد من توافر المال اللازم لخلق الحياة الجديدة بينى وبين حبيبى والمال هنا اتى بعد ان تعاهدنا اى لادخل له فى حبنا ولكنه اصبح وسيلة ووسيلة هامة كى تستمر حياتنا بالزواج وهنا اتحدث عن المال من منطلق انه وسيلة وليس غاية فالغاية من البداية هو حبيبى هو الشخص الذى ابحث عنه ليكملنى وبالتالى بيكون هنا احضار المال مسئولية الطرفين وليس الزوج فقط !! نعم ليس الزوج فقط بمعنى ان رضى الزوجة بما يستطيع ان ينفقه حبيبها وزوجها هو فى حد ذاته مشاركة كبيرة فالتوفير فى علم الاقتصاد رأس مال لانه يوفر الكثير من المال وسامحونى ان كنت قد ادخلت علم الاقتصاد فى ذلك ولكننا نتحدث فعلا فى الجانب المادى
لذا فمساهمة الزوجة واهلها مهمة جدا لاتمام الزواج كما سبق واوضحت معنى هذه المساهمة.
وبالنسبة لنقطة التكافؤ فانا مع الاخت مروة فى ذلك رغم نقدى لها فى بعض النقاط
فالتكافؤ مهم جدا ولولا ان هناك تكافؤ من بداية الانجذاب والتعارف بين الحبيبين ما نما الحب بينهما حتى يصل الى العهد الذى ذكرته فى البداية فهنا التكافؤ موجود ويلزمه بعض التطويع البسيط كى يحدث المزيد من الانسجام والارتباط بين الطرفين ولكن الحد الادنى من التكافؤ موجود ولولا وجوده ما بدأ الانجذاب والحب من البداية.
كل ما يجب ان نعرفه هو ان المال وسيلة ليس اكثر وليس ركن اساسى فى نشأة الحب واكمال الزواج واهم شئ هو ان يكون الزوج طموح وعنده الحد ادنى من ان يبدأ حياته الزوجية الحد الادنى فقط ومقياسه واحد وهو الشقة مهما كان حجمها والعمل الشريف الذى ينفق منه على زوجته وبيته مهما قل هذا الانفاق اهم شئ الطموح فى ان يزيد حجم الشقة وحجم الدخل المادى واركز هنا على كلمة الطموح وليس الطمع و الاندفاع فشتان بينهما
وفى نهاية كلمتى اود ان اقول كلمة واحده فقط هى الاخلاص
الاخلاص لله للحب للحبيب والله عز وجل لن يتخلى عنا ابدا .
التوكل على الله والنية الصادقة هى ما سوف تعيننا على كل شئ واسألوا الكثير ممن كانوا مقبلين على الزواج وليس لديهم القدرة المالية ولكن الله وفقهم لاخلاصهم لبعضهما ونياتهم الصادقة

واسأل الله القدير ان يرزق كل انسان بمن يحب وان يجمع بينهم على الحب والاخلاص والا يفرق بينهم ويجنبهم لوعة وعذاب الفراق ويكتب لنا جميعا السعادة فى الدنيا والاخرة
ولكم خالص التحية
اخوكم د.محمد عبدالخالق

اولااا نورت التوبيك يا د. محمد
وكلامك صح جدااا و نقاشك فوق الرائع بجد
و فعلاااا انت جبت كداا الموضوع و الاجابه النهائيه تقريبا لييه باختصار و انا معاك جداا فى الرائي
تقبل تحيااتى .

انا مبسوطه جداا ان الموضوع عجبك يادكتور وانك شاركت فيه وانا معاك طبعا في كلامك وانا اللي قلته مش بعيد عن كلامك وجود المال من العناصر الاساسيه لتاسيس بيت بس انا مش بتكلم عن المال لتاسيس البيت وبس لانه من الاصول ان الزوجه هتساعد زوجها واهلها كمان في تاسيسه لانه دا طبيعي بس انا بتكلم يادكتور كمان علي اسلوب حياتها مينفعش هي تكون بتصرف في بيتها والدها مبلغ معين في اليوم وهو بيصرفه في شهر مثلا اكيد بكده مش هيكون في توافق بينهم وهي هتتعب معاه وهو هتيتعب لانه صعب عليه انه يوفر لها الحياه دي وهو في اول حياته علشان كده انا بتكلم علي انه لازم يكون في بينهم توافق في الحاله الاجتماعيه والثقافه والماديه علشان يقدروا يعيشوا صح وياريت تبلغني بالنقاط اللي انت مختلف معايا فيها ومرسيه جدااا لمشاركتك معانا

شكرى الجزيل للانسة مى على تحياتها لى
واهلا بكى وبكل اعضاء المنتدى انسة مروة
وردا على كلامك انسة مروة فنحن لم نختلف عن ضرورة وجود التكافؤ بين الطرفين لانجاح الزواج وفى كلامنا فلقد اتفقنا ان التكافؤ موجود الا انكى ظلمتى التكافؤ الاجتماعى بأنه هو التكافؤ المادى فقط وهذا غير صحيح فالتكافؤ الاجتماعى فروعه كثيرة ومنها التكافؤ المادى
والحياة نسبية ولا تعطى كل شئ فأنتى لكى تحصلى على شئ لابد ان تتخلى عن شئ اخر ولو بنسبة قليلة فمثلا البنت التى تجد حبيبها وتتأكد من انه يحبها كل الحب الا ان مستواه المادى اقل منها فلا مانع من انها تتنازل بعض الشئ عن المستوى المادى التى تعيش فيه مع والدها فى مقابل ان يستمر حبها ولا مانع من ان تقف بجواره الى يستطيع ان يصل بها الى المستوى المادى التى كانت تعيش فيه مع اسرتها بل اكثر منه
ودعينا انسة مروة نكون اكثر واقعية
لننظر الى والد البنت الغنى واالذى يتقدم لخطبتها هذا الشاب متواضع المستوى المادى , هل المستوى المادى للاب الان هو نفس مستواه المادى عندما بدأ حياته وعندما تقدم للزواج من والدة هذه البنت ؟؟؟
اذا كان الجواب نعم فهذا احتمال لا يتعدى 5% من الواقع لان 95% من اباء هذا الجيل قد بدأ حياته لا اريد ان اقول من الصفر ولكن معظمهم الان ذوات مستوى مادى مرتفع عكس ماكان عليه عند بدء حياته
لذا فلابد ان نأخذ فى الاعتبار هذه النقطة
وخلاصة القول ان الموضوع نسبى بمعنى اذا استطاع الشاب متواضع المستوى المادى مقارنة بمن يتقدم لها ان يوفر الحد الادنى من الحياة الكريمة فعلى الفتاة ان تستجيب طالما تحبه ومتأكده من حبه لها وذلك لانها لكى تحصل على هذا الحب والاشباع العاطفى وتكوين اسرة مستقله لها فلابد من ان تتنازل عن جزء من المستوى المادى التى تعيش فيه مع اسرتها الغنية وهذا التنازل ليس ابدى بل هناك امل كبير فى ان يرتفع المستوى المادى لزوجها مع الوقت بالطموح والامل والكفاح الشريف والمستمر.
والذى اختلف معكى فيه انسة مروة يتلخص فى قولى
( عيش بالحب وللحب وبالاخلاص لهذا الحب لانه هو اساس الارتباط والزواج ومادون ذلك فهى عوامل مساعدة ولا انكر اهميتها ولكنى اؤكد انها عوامل مساعدة واستشهد فى هذا بقول الله عز وجل ( الطيبون للطيبات ) وايضا قوله تعالى فى شأن الزواج ( وجعل بينكم مودة ورحمة ) ولم يذكر المال ولا ننسى ان الرسول الكريم كان يزوج البنت بما يحفظ الشاب من القران الكريم كمهر مقدم لها .
وفى نهاية كلمتى فانا سعيد جدا بهذا النقاش الممتع و هذه الصحبة الرائعة معكم

اولا انا مقلتش ان التكافو الاجتماعي عن الفلوس وبس وقلت الفلوس مهم لانها جزء من الاساس وبردوا متكلمتش عن الاختلاف البسيط المادي بين العلتين اولا الفلوس مهم لتكوين بيت ومينفعش بنت تكون عايشه حياااه مرفهه جداا لحياه شخص ممكن عيشها بالعافيه في مكان هي متقدرش تعيش فيه ولو حصل هي هتتعب معاه وهو كمان لانهم مش متفقين في حياتهم والحب والجواز دا مسوليه مش كلام هناخده ونقول فيه اشعار لازم يادكتور محمد تفهم اهميه وجود المال واهميه التكافو بينهم لانه ضروري

اولا يا مروة الكلام دا مش اشعار لانه فعلا اللى بيحب بجد مش هايحس انه عايز حاجة تانيه من الدنيا غير ان حبيبه يبقى جمبه و مستحيل الانسان ياخد كل شئ عايزة
المال مهم معاكى بس عشان موافقه الاهل و تاسيس اسرة بس مش لازم الاسرة دى تبتدى باعلى مستوى يعنى
يعنى مش لازم الاسرة مثلا تبتدى بشقه 200 متر و عربيه 2007 ولا لازم انهم يكلوا كل يوم فى مطعم 5 نجوم حتى الدين مش قال كداا لان لو داا اللى بقى لازم عمر ما شاب هايتجوز غير بقى اللى وارث

ولازم الزوجه او الحبيبه تقف جمب حبيبها عشان يحسوا بطعم النجاح سوى ولو هى بتحب بجد مش هاتحس بان الماده داا عيب بل بالعكس اللى بيحب بجد هايحب عيب حبيبه و هاتقف جمبه عشان يحقق طموحه

اهلا بكى انسة مروة
اعتقد انكى لم تقرأى كلامى بشكل من التروى بل كانت قراءتكى له سريعة فأنا قلت واكدت على ان يوفر الشاب الحد الادنى من الحياة الكريمة هذا فى البداية
ثانيا احسست من ردك هذا نوع من الغضب او ما شابه ذلك ومعنى ذلك ان النقاش اخذ يدخل فى اعتبارات شخصية وهذا ما اتجنبه تماما فى اى نقاش لاننا فى الاول وفى الاخر اخوة واصدقاء
وثالثا وده الاهم ان مجمل كلامى عن هذا الموضوع ليس مجرد شعارات على الاطلاق والدليل على ذلك ارجو ان تتفضلى انسة مروة وتعرضى هذا الموضوع على احد والديكى واللذان هم والداى ايضا وتناقشيهما فى هذا الموضوع لانهم بالفعل اكثر خبرة بالحياة منا جميعا

واذكركى يامروة ان اختلاف الرأى لا يفسد للود قضية ونحن اخوة واصدقاء قبل اى شئ
وكل ما يهمنى من هذه المناقشة هو التعبير عن الرأى وتنمية افكارنا ليس اكثر

اولا يادكتور محمد انا مش مضايقه ولا غضبان وانا اصلا مش اعرف حضرتك علشان ياخد شكلي من الاشكال الشخصيه وانت قلت مش لازم يكون شقه 200 متر ولاعربيه 2007 وانا مقلتش كده لان دا بيكون تعجيز بس بردوا لازم يكون في فلوس ولو قليله علشان يبتدوا بيها يعني مهم وجود الفلوس سواء كتيره وله قليله وسوري لو انت فهمت كلامي غلط بس انت اللي فهمته غلط والحب لو حده مش كفايه في حجات تانيه مهم لازم تكون معاه بتسانده علشان يقدر يعيش

انا اسفه يادكتورمحمد لان افتكرتك انت اللي قلت شقه 200 متر او عربيه 2007. وكلامي موجه ليكي انتي يامي في النقطه دي

بس انا قلت كداا يا مروة بناءا عن كلمتك ان مش ينفع البنت تكون بتصرف مبلغ فى يوم و ترتبط بواحد بيصرف المبلغ دا فى شهر معنى كدا انك مش عايزاها تتنازل عن مستواها نهاائى حتى لو مصروفاتها دى اشياء مش ضروريه
وباكد كلامى تااانى ان المال مهم فقط عشان يبنى الاشياااء الضرووووريه فقط
يعنى مش ينفع البنت تتنازل عن حبها علشان مش هايعشها فى نفس مستوها الحاالى
وعشان بتحبه لازم تتنازل عن بعض الحاجات و تمشى على اده لحد لما ربنا يكرمه و يحقق طموحه

هااااااااااااااااااااااااى ازيكم ياجماعه
بصراحه الموضوع ده جامد جدا بس انتوا كلكم عندكم حق اصلى دى مشاعر واحسيس بتختلف من شخص للاخر بس راىء الشخصى ان فى الوقت اللى احنا فيه ده صعب التضحيه وبتالى الحب والمال مرتبطين ببعض ارتباط قوى جدا انا معاكم ان الحب شىء جميل بس حيكون اجمل لو فى تكافوء مش تكافؤ مالى فقط لا وكمان اجتماعى واخلاقى عشان الحياه تستمر صعب الحياه تستمر بين شخصين غير متكافئين سواء كان مالى اوغيره حد فيهم مشحيقدر يستحمل وبالتالى مشحيكمل والحياه حتقف لحد كده نصيحه منى للاى حد قبل ميبتدى الحب ويجرى وراه يعنى فى مرحله الاعجاب اسال نفسك فى تكافؤ ولا لاء وجاوب بصراحه عشان مبجيش يوم وتعب وتندم

اولا يامي انا قلت انهم مفيش مشاكل لو قريبني من بعض بمعني كده انه علي الاقل عنده شقه وعلي الاقل يقدروا يجبيوا عفش علي قدهم والحجات دي علشان تيجي لازم تكون في فلوس ومش معني ان وحدا مصروفه مثلا اللف جنيه يبقه هي انسان بتشتري حجات تافهه ولو افترضنا انها في حجات كتير بتشتريها تافه وحده عايشه حياتها طول عمرها كده تقدر مثلا انها تعيش وتكون بيت واسره 300 جنيه دا مثلا ولو قدرت مش هيكون صعب عليها وعليه هو كمان مش هيعمل اي نوع من انواع الضغط عليهم وبتالي الحب هبيروح لانهم هينشغلوا هما اللي اتنين ياامي انا مش ضد الحب انا مع الحب وكل اللي بقوله ان الحب من اساسياته علشان يعيش المال ومنقدرش نبعد وانه في حجات تانيه بردوا زي الاخلاق والدين والقيم والحاله الاجتماعيه والثقافيه ولازم نقربهم من بعض الحب مش هياكلهم ولا يشربهم يبقه لازم الفلوس لانها ضروره من ضروره الحياه

ومرسيه لرايك ياتوته وبجد اسعادينا بمشركتك معانا