موسوعه النكت (أي حد عنده نكته يدخل يقلها)

هنا كلنا حندخل ونجمع اكبر مكان فيه نكت في المنتديات كلها
ابدا انا
بسم الله
-----------------------------------------------------------------------
واحد بلدينا شقته ولعت جات المطافى حلف ما يطفو الا لما يتعشو الاول

مرة كلب من كلاب الشوارع ماشى من ادام قسم بوليس بص لقى كلب بوليسى واقف
وقف الكلب العادى وقال
يرتنى كنت كملت تعليمى

مرة واحد مسطول قطع راس اخوة وهو نايم وقعد يتضحك وقال هيتجنن لما يصحى ميلقيهاش

مره اتنين مساطبل واحد بيقول مش فى حرب 73 امريكا كانت بتحارب فيتنام قله ايوه وقال له

تانى وفى حرب 73 مش كانت مصر بتحارب اسرائيل قال له اشطة كده بقى مصر حتصفى مع فيتنام


اثنيت مساطيل قاعدين بيتفرجوا علي النشرة النشرة طولت شوية قاله النشرة طولت كده ليه رد الثاني عليه وقاله : شكلها اخر حلقة

مره واحد بلدياتنا جاى ينشر الجلابيه بتاعته راحت وقعت راح قال الحمد لله انى مش جواها

واحد مسطول فتح الثلاجة شاف الجيلي بيترعش قال لة ما تخافش عايز اشرب ميه

واحد رخم بيخبط على واحد رخم اوى فقاله مين قاله انا.. الرخم اوى قاله لآ مش انت

واحد بلديتنا قاعد فى الاستاد باصص لفوق على طول لية؟؟؟؟؟؟؟؟؟؟؟....... بيدور على كلمة مباشر

مسطول بيقول لصاحبه: يا أخي إمبارح دخلت فلم هندي هايل بتاع راجل وست ماشيين في الشارع لقوا طفلة مولودة في اللفة خدوها وربوها لغاية ما كبرت وفي الآخر طلعت أمهم

واحد كهربائى اتجوز أربعة جابلهم مشترك

فيه مره واحد بخيل مات فترك وصيه لاهله مكتوب فيها ادفنوني بالطول لان الارض غاليه

حنوتى فتح فكهانى كتب على المحل الموووووووووووز علينا حق

كتكوت راسم امليت على صدرة لية؟؟؟؟؟؟ صورة اخوة الشهيد

مرة اتنين بلدياتنا كانو فى الغابة ومعاهم باب وهما ماشيين شافو اسد واحد منهم حط اباب قصادة واستخبى وراة والتانى قالة افتح بسرعة الاسد هياكلنى

مرة واحد بلدياتنا حب واحدة، اتجوز اختها علشان يشوفها كل يوم

مره واحد حلاق وابنه بيتفرجوا على ماتش كوره فالمذيع قال وشاط الكوره بمشط رجله وجابها في المقص فلابن قال الحق يا بابا دول بيلعبوا في العده

واحد ندل جورج قرداحي اتصل بيه وقال له معنا صديقك وصل نصف مليون ريال ومحتاج مساعدتك قال: قل له نايم

1- مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى.

2- واحد قعد يعلم ولاده النداله لما مات رموه فى الزباله


3- مرة اثنين بلدياتنا في الجيش فالصول بيسال الاول ايه ده قله البندجيه يافندم قله بندجية ايه ياهريدي دي وطنك دي امك فراح للعسكري التاني قاله ايه دي قاله دي ام هريدي يا فندم

4- واحد عمال بقول لخطيبته انا مش غني ولا عندي مرسيدس ويخت زى محمود بس انا بحبك خطيبته: وانا كمان بحبك لكن احكي لي اكتر عن محمود

5- مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين ـــ جلها الحصبه ماتت


6- إتنين طرش واقفين على محطة الأوتوبيس فدار بينهم هذا الحوار
-الأوتوبيس ده رايح مصر الجديدة ؟؟
-إيه ؟ على الحديدة ؟؟ ليه إنت طالب إحسان ؟؟
-بذرة الكتان ؟تلاقيها عند العطار
-الجزار ! إنت عاوز لحمة ؟؟
-زحمة ؟! معلش أصل ده معاد خروج الموظفين
-نور الدين ؟! معرفوش
-متشربوش ؟؟ ليه كفا الله الشر
-راس البر ! دا مصيف هادى
-المعادى ؟؟ دى ضاحية جميلة
-بليلة !!! إنت جعان
-عيان ؟؟ متروح للدكتور
-حنطور ؟! دى مواصلة جميلة توصلك لحاد الباب
-هباب !@ و أنا إلى كنت فاكرك محترم
-إتخرم ؟؟ هو مين ؟؟
-أسبرين ؟؟ ليه إنت عنك صداع ؟؟
-قراع ؟ دا مرض خطير
-فطير ؟؟ده تقيل على المعدة و تمنه غالى
-خالى ؟؟ إنت تعرفه ؟؟ دا كبير فى السن
-جن ؟!#إنت راكبك عفريت !!!!
-كبريت ؟ عاوز تولع ؟؟
-أتدلع ؟؟؟؟!ليه مفيش حد غيرك أتدلع عليه
فمر بيهم راجل شرطة لقاهم بيتخانقوا فقالهم : واقفين هنا بتعملوا إيه قالولوا : مستنيين الإوتوبيس
فقالهم : يانهاركم إسود . جواسيس ؟؟ طب تعالوا معايا على القسم

7- واحـد احـول حـس بالـبـرد وهـو نـايـم ... قـام وغـطـى اخـوه

8- في واحد كريم تزوج واحدة كريمة جابو ولد ادوه للجيران

9- واحد اتجوز واحدة وبعد اربع شهور ونص مراته خلفت ولد
فسالها الواد دة جه ازاى واحنا متجوزين من اربع شهور ونص؟؟؟؟!!
قالت له انت متجوزنى من امتى؟؟؟
قال لها من اربع شهور ونص
قالت له انا متجوزاك من امتى
قال لها من 4 شهور ونص
قالته له كدة يبقوا تسعة .
فرد عليها ايوة كدة كنتى هتخلينى اشك فيكى

10- طبيب عيون بيحب وشايل وردة فى ايديه
وقال لحبيبته شايفة الوردة دى ياحياتى
قالتله اه
قام ونقلها الى اليد الاخرى وقالها طب كده

11- الابن: بتعمل اية يابا؟؟
الاب: بكتب جواب لعمك
الابن: هو انت بتعرف تكتب؟؟
الاب: يعني هو عمك اللي بيعرف يقرا يا فالح



12- سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف
و قالة يا ترى انت بقى الفرفور الابيض فقالة الراجل فرفور اية رخصك يا روح امك



13- اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى


14- محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق



15- واحد ندل فتح مصنع بيبسي كتب على كل علبة : رج جيدا قبل الفتح

16- واحد ماشي ورا وحده قال الحلوه وراها مشوار؟قالت له الحلوه وراها حمار

17- واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه... اقعد علي الورق علشان ما يطرش

18- مره توني بلير و بوش و حاكم عربى ديكتاتورعمله ماتش كوره
و همه بيلعبوا الكره وقعت في بحيره مليانه تماسيح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام الحاكم العربى الديكتاتور امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيهم